Nama

Hierdie artikel handel oor die taal. Vir die etniese groep, sien Namas.

Nama Khoekhoegowab
Gepraat in:	Botswana  Namibië  Suid-Afrika
Gebied:	Oranjerivier Namakwaland
Totale sprekers:	202 200[1]
Taalfamilie:	Khoisan  Khoe   Khoekhoe    Noord-Khoekhoe     Nama
Skrifstelsel:	Latynse alfabet
Amptelike status
Amptelike taal in:	Namibië (nasionale taal)
Gereguleer deur:	geen
Taalkodes
ISO 639-1:	geen
ISO 639-2:	khi
ISO 639-3:	naq
Nota: Hierdie bladsy kan IFA fonetiese simbole in Unicode bevat.

Nama is 'n Khoisan-taal wat deur die Namas en Damaras in Namibië, Botswana en Suid-Afrika gepraat word. Dit is ook bekend as Khoekhoegowab. Daar is meer as 270 000 mense met Nama as moedertaal. Andere benamings vir Nama sluit in: Namataal, Nama/Damara, Namakwa, Namaqua, Bergdamara en Tama.

Nama is verwant aan die taal van die Hai//om-San, ǂAakhoe.

In Namibië word Nama as 'n nasionale taal erken. In Suid-Afrika is Nama nie een van die elf ampstale nie, maar is wel in die grondwet opgeneem as taal wat deur die nasionale regering beskerm en gekultiveer moet word. Daar is pogings om die taal in Suid-Afrika te bevorder.^[2] In 2018 is die Namataal by sommige skole in die Noord-Kaap bekendgestel.^[3][4]

1. ↑ "Ethnologue: Languages of the World, Seventeenth edition, Khoekhoe" (in Engels). Ethnologue. Geargiveer vanaf die oorspronklike op 26 September 2019. Besoek op 11 September 2016.
2. ↑ (af) litnet.co.za: die Nama-taal
3. ↑ (en) news24.com: Nama language to be introduced at two Northen Cape Schools^{[dooie skakel]}
4. ↑ (en) thenewage.co.za: Schools to introduce Nama Language